Whakauru Tamariki

Ngā paearu whakauru tamariki - (criteria)

He whānau reo Māori te Kura Kaupapa Māori o Te Orini ki Ngāti Awa. He mea nui kia mārama ngā whānau hou ki tēnei. Ko te reo Māori, te reo kawe i ngā marauako katoa mai i Tau 1 ki te Tau 13.

Tamaiti/whānau hou

Me reo Māori ngā Kaitiaki/wh?nau o te tamaiti.
E tūwhera ana ki ngā tamariki katoa, ahakoa ahu mai i te Kōhanga Reo, te Puna Reo rānei.
Ko te mea nui, me mōhio, me mārama te whānau ki te reo Māori.
Me mārama te whānau ki ōna anō haepapa hai tautoko i te kaupapa o te kura.
Tamaiti kua kuraina ki te Kura Kaupapa Māori/Rūmaki/Auraki. Me reo Māori ngā Kaitiaki/whānau o te tamaiti.
Mehemea he Wharekura te tauira, me kounga tana reo e tau ai āna mahi ki te taha Wharekura.
Me mārama te whānau ki ōna anō haepapa hai tautoko i te kaupapa o te kura.

Ngā tukanga whakauru tamariki (process)

Whakakīia te tono ki te pae tukutuku nei, waea rānei ki te tari matua o te kura.
Ka tukuna atu he wā hui ki a koe.
Me tae mai ngā Kaitiaki o te tamaiti ka noho ki roto i tōna whare.
Whai muri i te hui ka whakarite mehemea e rite ana kia uru mai, me whakawhanake rānei te whānau i tōna reo e pai ai tā rātau tautoko i te tamaiti.

Ngā Kawatau (expectations)

Me whānau reo Māori, me kaitiaki reo Māori.
Me whakaū i ngā mātāpono o te kura.
Me tautoko i ngā kaupapa o te kura.
Me tae mai ki ngā hui whanau ia marama.

Tono Whakauru - Expression of Interest